Мәжіліс депутаты Азат Перуашев елімізде жаңартылатын және дәстүрлі энергетиканың дамуына Біріккен Араб Әмірліктерімен үкіметаралық келісім серпін бере алады деп санайды, деп хабарлайды Zakon.kz.
БАӘ-мен инвестициялық ынтымақтастық электр энергетикасы саласынан басқа агроөнеркәсіптік, фармацевтикалық, көлік-логистикалық кешендерге қатысты екенін атап өтіп, мәжілісмен мұндай ынтымақтастық екі тарапқа пайда әкелетін нәтижелерге қол жеткізу үшін екі елдің бірлескен күш-жігерін біріктіруге мүмкіндік беретініне сенім білдірді.
Электр энергетикасы саласындағы өзара іс-қимылға еліміздегі жаңартылатын және дәстүрлі энергетиканың дамуына үлкен серпін беретіні сөзсіз. Инвестициялық келісім бойынша Қазақстанда жалпы қуаттылығы 5 ГВт болатын күн, жел және су электр станцияларын салу бойынша бірлескен жобаларды іске асыру жоспарлануда, – деп атап өтті Азат Перуашев.
Сондай-ақ, Мәжіліс депутаты жалпы отандық кәсіпкерлікті дамытуға оң әсерін тигізетінін айтты.
Біріккен Араб Әмірліктерінің жетекші қаржы институтының осы келісімді іске асыруға қатысуы отандық бизнес-қоғамдастыққа пайда әкелетіні сөзсіз, өйткені ол ұлттық экономиканың негізгі салаларына қазіргі заманғы ұйымдастырушылық мәдениет пен озық халықаралық технологияларды енгізуге ықпал ететін болады, – деп сенеді Азат Перуашев.
Бақытжан Отарбаева
