Қазақстандықтарды эвакуациялаған екінші арнайы рейс елордаға келіп қонды

Нұр-Cұлтан әуежайына Украинадан Қазақстан азаматтарын эвакуациялаған екінші ұшақ келіп қонды, деп хабарлайды Zakon.kz.

Рейс Польшаның Катовице қаласынан орындалды, бортта 120 жолаушы болды.

Air Astana ұшағы Нұр-Сұлтан уақыты бойынша сағат 15:30-да Катовице-Атырау бағыты бойынша көкке көтерілді. Атырауға техникалық жағдайда қонған ұшақ сағат 21: 03-те елордаға келіп жетті.

Сурет: Zakon.kz

Сурет: Zakon.kz

Сурет: Zakon.kz

Сурет: Zakon.kz

Сурет: Zakon.kz

Қазақстандықтарды эвакуациялаған алғашқы арнайы рейс 28 ақпанда Алматыға келіп қонды.

Қазақстанның Украинадағы елшісі Дархан Қалетаевтың айтуынша, 657 қазақстандық өзін эвакуациялауды сұрап, өтініш толтырған.