Жағдайлар бізден батыл және дереу әрекет етуді талап етеді. Донбасс халық республикалары Ресейге көмек сұрап жүгінді. Осыған байланысты, БҰҰ Жарғысының 51-бабының 7-бөліміне сәйкес, Федерация Кеңесінің санкциясымен және Федералдық Жиын ратификациялаған ДХР және ЛХР-мен достық және өзара көмек туралы шарттарды орындау мақсатында мен арнайы әскери операция жүргізу туралы шешім қабылдадым. Владимир Путин
ТАСС агенттігінің хабарлауынша, Киев іргесіндегі Борисполь әуежайы маңында жарылыстардың дауысы естілуде. Украина астанасында ұялы байланыс пен интернет әдеттегідей жұмыс істеп тұр.
УНИАН агенттігі Украинаның бірқатар басқа қалаларында да жарылыс болғанын хабарлады: «Краматорскіде кем дегенде төрт жарылыс, Одесса, Харьков, Бердянскідегі күшті жарылыс болды».
Киевтен тікелей эфирге қосылған CNN тілшісі бірнеше жарылыс естігенін айтты. «Біз бірнеше жарылыс естідік, мүмкін жеті-сегіз», – деді арна тілшісі.