Облыстардың, республикалық маңызы бар қалалардың және астананың аумақтық комиссияларының Орталық референдум комиссиясына ұсынған деректеріне сәйкес, еліміз бойынша сағат 14:00-дегі жағдайға сәйкес, тізімге енгізілген азаматтардың жалпы санының 53,43% - ы немесе 6,2 млн сайлаушы дауыс беруге бюллетеньдер алды. Орталық референдум комиссиясының мүшесі Анастасия Щегорцова
Оның айтуынша, еліміз бойынша 6,2 млн сайлаушы дауыс берген.
Заңға сәйкес, егер референдумға қатысуға құқығы бар азаматтардың жартысынан көбі дауыс беруге қатысса, референдум өтті деп саналады. Осылайша, аумақтық референдум комиссиясының деректері бойынша сайлау учаскесіне келушілердің белгіленген шегіне қол жеткізілді. Анастасия Щегорцова
Аймақтар бойынша дауыс беруге келу туралы алдын-ала ақпарат келесідей:
Ақмола облысы - 56,89%,
Ақтөбе облысы – 45,64%,
Алматы облысы - 58,07%,
Атырау облысы – 50,68%,
Батыс Қазақстан облысы – 53,58%,
Жамбыл облысы – 63,46%,
Қарағанды облысы – 61,08%,
Қостанай облысы – 62,47%,
Қызылорда облысы – 65,30%,
Маңғыстау облысы - 43,36%,
Павлодар облысы - 57,79%,
Солтүстік Қазақстан облысы – 62,41%,
Түркістан облысы - 53,63%,
Шығыс Қазақстан облысы - 64,21%,
Нұр-Сұлтан қаласы – 41,13%,
Алматы қаласы – 23,60%,
Шымкент қаласы - 59,32%.