ҚР Президенті сайлауындағы кандидат Мейрам Қажыкенді қолдау жөніндегі штаб жетекшісі Әбіл Кекілбаев 14 өңірде үгіт-насихат штабы ашылғанын жеткізді.
Кандидаттың сайлауалды бағдарламасы қабылданып, үгіт-насихат жұмысының жоспары бекітілді. Үгіт-насихат жұмыстарына Мейрам Қажыкеннің өзі қатысады. Сондай-ақ үміткердің 138 сенімді адамы жұмыс істейді. Әбіл Кекілбаев
Штабтың ашылу рәсіміне Мейрам Қажыкеннің өзі де қатысты. Ол жиналған қауымды өзінің сайлауалды бағдарламасындағы бағыттармен таныстырды.
Оның айтуынша, жасына, жынысына, ұлтына, дініне, әлеуметтік мәртебесіне қарамастан кез келген адамның дамуы басты назарға алынады. Бағдарлама қабілеттерді дамыту және оларды іске асыру үшін барлығына тең мүмкіндіктер жасауға басты басымдық береді.
Айта кетсек, Мейрам Қажыкен "Аманат" Қазақстан кәсіподақтар достастығы" республикалық бірлестігі атынан Президенттікке кандидат ретінде тіркелді.
