Сондай-ақ ол ауылды қарыштатып дамыту арқылы елімізді дастарханы сапалы және бағасы қолжетімді отандық өніммен толтырылатын аграрлық державаға айналдыруға нық бекінгенін жеткізді.
Ол жемқорлықпен күресті адами-рухани тәрбиеден бастау қажеттігін де атап өтті.
"Аналардың көңілі далада емес, балада болуы керек. Ана тілінің мәртебесін арттыру қажет, мемлекеттік тілді барлық салаға терең енгізуіміз тиіс, жастарды еңбекке баулып, ұлттық құндылықтар мен аға буынға құрметті арттырамыз. Егер маған мүмкіндік берілсе, осының барлығын сөз жүзінде емес, іс жүзінде дәлелдеуге дайынмын. Қазақстан еңбеккерлері жасасын", - деді Дайрабаев жарыссөзде.
Сөз соңында ол сайлауалды бағдарламасын таныстыруға өте қысқа уақыт берілгеніне қынжылыс білдірді.
Айта кетсек, Қазақстан Президентінің мерзімінен тыс сайлауы 20 қарашаға белгіленген.
