Айта кетсек, бұл - осы жауапты лауазымға тағайындалғаннан кейінгі Мұрат Нұртілеудің алғашқы ресми сапары.
РФ СІМ хабарламасында жаңа министрдің алғашқы шетелдік сапары ретінде Мәскеуді таңдауына жоғары баға берілетіндігі айтылған.
Бұл қадам Ресей мен Қазақстанның одақтастық рухына сай келетіні де атап көрсетілген.
"Алғашқы шетелдік сапар ретінде Ресей Федерациясының таңдалуы екі елдің одақтастығы мен стратегиялық серіктестігі рухына, тату көршілік қатынастар мен өзара тиімді ынтымақтастықты нығайтуға бағытталған бірлескен жұмыстарға сай келеді", делінген РФ СІМ хабарламасында.
ҚР СІМ басшысының РФ-ға сапары 10-11 сәуірге белгіленген.
Нұртілеу мен Ресей СІМ басшысы Сергей Лавровтың келіссөздері болады деп жоспарланған.
Сондай-ақ, Ресей мен Қазақстан СІМ арасындағы 2023-2024 жылдарға арналған ынтымақтастық жөніндегі іс-шаралар жоспарына қол қою рәсімі болады деп күтіледі.
Мұрат Нұртілеу 2023 жылдың 3 сәуірінде Премьер-министрдің орынбасары – Сыртқы істер министрі болып тағайындалды.
