Геннадий Шиповских қоғамды бейбіт уақытта әскери қызметкерлердің қаза табу фактілері алаңдатып отырғанын айтты.
"Осындай жағдайлардың алдын алу үшін ұсыныс айтқым келеді. Егер облыста бір сарбаз қайтыс болса немесе кейбір сарбаз мүгедек болып қалатындай жағдай болса, менің жеке пікірім бойынша мұндай бөлімдердің бірінші басшылары жауапқа тартылуы керек. Тіпті мүмкін трибуналға дейін жеткіземіз. Сонда ғана бізде тәртіп орнайды", - деді ол.
Бас әскери прокурордың бірінші орынбасары Мақсат Қазиев депутаттың ұсынысы талқыланатынын айтты.
"Бөлім командирлерінің бұл іске қылмыстық қатынасы дәлелденсе, белгіленген заңнама аясында тиісті жазасын алады. Қылмыстық абайсыздық анықталса, әрине, жауапкершілік те болады", - деді ол.
Бұған дейін ол әскердегі суицид көлемі туралы айтқан еді. Қазиевтің мәліметінше, суицид көбіне әскерде болды деген ақпарат ресми деректермен дәлелденбейді.