Мәжіліс республикалық бюджеттің атқарылуы туралы есеп пен жаңа заң жобаларын жұмысқа алды
Мәжіліс комитеттеріне мынадай заң жобалары келіп түсті:
- Онлайн-платформалар мен онлайн-жарнама туралы түзетулер;
- Еуразиялық қайта сақтандыру компаниясын құру туралы ратификациялық келісім.
Cонымен қатар мәжіліс отырысында мына заң жобалары бойынша қорытынды әзірлеу туралы қаулы қабылданды:
- Қазақстан Республикасы Үкіметінің және Қазақстан Республикасы Жоғары аудиторлық палатасының 2022 жылғы республикалық бюджеттің атқарылуы туралы есептері бойынша қорытынды әзірлеу жөнінде.
- «Онлайн-платформалар және онлайн-жарнама туралы» Қазақстан Республикасы Заңының жобасы бойынша қорытынды әзірлеу жөнінде.
- «Қазақстан Республикасының кейбір заңнамалық актілеріне онлайн платформалар және онлайн-жарнама мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы бойынша қорытынды әзірлеу жөнінде.
- «Қазақстан Республикасының Әкімшілік құқық бұзушылық туралы кодексіне онлайн-платформалар және онлайн-жарнама мәселелері бойынша толықтырулар енгізу туралы» Қазақстан Республикасы Заңының жобасы бойынша қорытынды әзірлеу жөнінде.
- «Еуразиялық қайта сақтандыру компаниясын құру туралы келісімді ратификациялау туралы» Қазақстан Республикасы Заңының жобасы бойынша қорытынды әзірлеу жөнінде.
