Президенттің сөзінше, электронды сауда саласында өзара алыс-берісті арттыру үшін қосымша мүмкіндік бар.
"Бұл бағытта Қытайдың көш бастап тұрғаны сөзсіз. Онлайн сауданы дамыту аса маңызды. Бұған жаппай шектеулер кезінде көзіміз анық жетті. Қытайдың «Alibaba Group», «JD COM» сияқты интернет алпауыттарының осы саладағы тәжірибесі мен әлеуеті орасан зор. Орталық Азия елдерінің нарықтағы бәсекеде өз артықшылықтары бар. Осы орайда, Қазақстан Қытайдың ірі электронды сауда алаңдарын кеңінен пайдалануды ұсынады. Бұл қадам өнімдерімізді нарыққа бірлесе шығару үшін аса маңызды", - деді Қазақстан президенті.
Қасым-Жомарт Тоқаев кеше JD COM платформасында Қазақстанның ұлттық павильоны ашылғанын еске салды.
