Қазақстан Президентінің пікірінше, бұл сала Орталық Азияның экономикалық дамуына берік тұғыр бола алады.
"Аймақтағы елдер бірлесіп, соңғы жылдары бірқатар ірі жобаны жүзеге асырып жатыр. Бұл – қуанышты жағдай.Оған Қытайдың атсалысуы жобалардың табысты болуына септігін тигізері анық. Мен Орталық Азия мен Қытайдың өнеркәсіп саласындағы ынтымақтастығын дамыту жоспарын әзірлеуді ұсынамын", деп ұсыныс білдірді Қасым-Жомарт Тоқаев.
Осы орайда Президент бұл жоспарды аймақтағы барлық елдің ерекшелігі мен сұранысын ескере отырып жасаған жөн екенін атап өтті.
