"Соңғы жылдары Орталық Азия елдерінің аймақішілік экономикалық байланыстары сапалы жаңа деңгейге көтерілді. Өткен жылдың өзінде Қазақстанның аймақ елдерімен саудасы 19 пайызға өсіп, 8 миллиард доллар болды. Алдағы уақытта бұл көрсеткішті 15 миллиардқа жеткізу міндетін қойдық", – деді Қасым-Жомарт Тоқаев.
Екінші. Көлік-логистикалық инфрақұрылымды дамыту.
Орталық Азия "Қытай – Еуропа" бағыты бойынша құрлықтағы транзиттік тасымалдардың 80 пайыздан астамы үшін өзіндік көпір саналады. Бұл ретте қазіргі кезеңде Транскаспий халықаралық көлік бағыты стратегиялық маңызға ие болды. Бұл бағыт өңірлеріміз арасындағы өзара қарым-қатынас деңгейін едәуір арттыра алады.
"Жуырда Қытайға жасаған мемлекеттік сапарымның аясында қытайлық серіктестерімізбен бірге Сиань қаласында логистикалық терминалдың іргетасын қаладық. Бұл порт Орталық Азия территориясы арқылы Еуропаға тікелей контейнерлік пойыздарды жіберу үшін маңызды хаб болмақ".Қасым-Жомарт Тоқаев
Сондай-ақ екі ел Транскаспий бағытын Қытайдың "Бір белдеу, бір жол" бастамасымен ұштастыруға уағдаласқанын атап өтті.
Былтыр осы күре жол арқылы шамамен 1,7 миллион тонна жүк тасымалданғанын атап өткім келеді. Бұл 2021 жылғы көрсеткіштен екі есе көп. Осылайша Президент Еуропалық одақтағы әріптестерін Каспий теңізіндегі бірге дамытуға шақырды.
