"Нақты шешімді жергілікті мәслихаттар қабылдайды. Орталық сайлау комиссиясының төрағасы Нұрлан Әбдіров сайлаудың мерзімі белгіленгеннен кейін аймақтарда тиісті дайындық басталатынын жеткізді. Бүгін Мемлекет басшысы: "Аймақтағы атқарушы биліктің шешім қабылдау ісіне азаматтардың тікелей қатысу мүмкіндігін біртіндеп арттыру маңызды", - деген еді. Ауыл, кент және ауылдық округ әкімдерін тұрғындар өздері сайлай бастағанына екі жылдан асты. Содан бері ауылдық деңгейдегі әкімдердің төрттен үші сайланды. Енді аудан және облыстық деңгейдегі қала әкімдерінің сайлауы өту тиіс", деп хабарлайды "Хабар 24".
"Негізі осының алдындағы Жолдауында да Президент осы мәселені көтерген болатын. Тиісті дайындық жұмыстарын біз Орталық сайлау комиссиясы аумақтық комиссиялармен бірге өткізіп жатырмыз. Негізі біздің бүкіл инфрақұрылымымыз аталған күрделі және жаңа сайлауды өткізуге толық дайын". ҚР Орталық сайлау комиссиясының төрағасы Нұрлан Әбдіров
