Мемлекет басшысы Қасым-Жомарт Тоқаев еліміздегі ресми сапары аяқталған Албания президенті Байрам Бегайды әуежайдан шығарып салып, жылы қоштасты, деп жазды Ақорданың Telegram-дағы ресми парақшасы.
Албания президенті Байрам Бегай 2023 жылғы 7 қыркүйек күні Қазақстанға ресми сапармен келді.
Қазақстан мен Албания президенттері кеңейтілген құрамда келіссөздер жүргізді. Тараптар сауда-экономикалық, көліктік-логистикалық, инвестициялық және гуманитарлық ынтымақтастықты нығайтуға баса мән бере отырып, Қазақстан мен Албания арасындағы серіктестіктің негізгі мәселелерін талқылады.
Мемлекет басшысы Қасым-Жомарт Тоқаев Астана мен Тирана арасында тікелей әуе қатынастарын орнату мәселесін көтерді.
