ҰҚК мәліметінше, 2023 жылдың 9 қыркүйегінде Ақтөбе облысы бойынша Ұлттық қауіпсіздік департаментінің жедел қызметкерлері заңсыз көші-қон қызметіне жалпы қамқорлық жасау үшін шенеунікке пара берді деген күдікпен Қазақстан азаматын ұстады.
"Алдын ала мәліметтер бойынша, ұсталған азамат тиісті рұқсатсыз шетелдік жұмыс күшін тартумен айналысқан. Пара ретінде 400 мың теңге көлеміндегі қолма-қол ақша тәркіленді", - делінген 14 қыркүйекте тараған хабарламада.
Комитет ҚР Қылмыстық кодексінің 367-бабы, 2-бөлігі ("Аса ірі мөлшерде пара беру") бойынша сотқа дейінгі тергеу жүргізіліп жатқанын түсіндірді.
"ҚР Қылмыстық-процестік кодексінің 201-бабының 1-бөлігіне сәйкес өзге мәліметтер жарияланбайды", - деп толықтырды ҚР Ұлттық қауіпсіздік комитетінің баспасөз қызметі.