Ол тергеу құпиясын алға тартып, Самат Әбішке қатысты іс бойынша толық ақпаратты жария етуден бас тартты. Оған тек бір ғана бап бойынша – "Қаңтар оқиғасы" кезінде билікті және қызметтік өкілеттікті асыра пайдалану бойынша айып тағылғаны белгілі.
"Самат Әбіш ешқайда кетпеу туралы қолхатпен жүр. Ол Қазақстан Республикасында. Алматыда немесе Астанада, нақты білмеймін. Мұны тергеу органдары олардың кейбір белгілеріне, тергеу әрекеттеріне қарап анықтаса керек. Олар "Қашып кетеді" деп күдіктенбесе керек. Ол тергеу органдары алдындағы заң бойынша өзіне жүктелген міндеттерін бұзбаған шығар. Сондықтан оған тағы бір бұлтартпау шарасын қолдану туралы мәселе әлі көтерілген жоқ".Әсет Шындалиев
19 қыркүйекте Ұлттық қауіпсіздік комитеті басшысының бұрынғы орынбасары Самат Әбішке қатысты қылмыстық іс қозғалғаны белгілі болды. 2023 жылдың 5 қаңтарында Бас прокуратура Самат Әбіштің қаңтар оқиғасы бойынша іс бойынша куәгер болғанын хабарлады.
