Үкімет басшысының айтуынша, шенеуніктер де тергеу периметрінде.
"Әрине, үкімет ретінде біз де осы қайғылы оқиғалардағы жауапкершілігімізді түсінеміз. Осы сәтті пайдалана отырып, қаза болғандар мен зардап шеккендердің отбасына өз атымнан тағы да көңіл айтамын. Өзімнің атымнан, біздің әріптестердің атынан кешірім сұраймын. Қазіргі жағдайға бәріміз де жартылай жауапты екеніміз анық".Әлихан Смайылов
Ол үкіметтің міндеті "АрселорМиттал Теміртау" АҚ-ны мемлекетке жақын арада қайтуын қамтамасыз ету екенін айтты.
"Осы кәсіпорындағы тұрақты жұмысты, жалақы мен жұмыс орындарының сақталуын қамтамасыз ету және барлық әлеуметтік міндетті, соның ішінде кеншілер қайтыс болғаннан кейінгі міндеттерді орындау біздің міндетіміз. Кеншілердің отбасына қатысты міндеттердің бәрі толық орындалуын қадағалаймыз және қамтамасыз етеміз".Әлихан Смайылов