BesMedia апелляциялық соттың жабық отырысына сілтеме жасап хабарлағандай, экс-шенеуніктің үкімі өзгеріссіз қалды: аса ірі көлемде пара алғаны үшін 10 жылға бас бостандығынан айырылды.
Нұржан Әлтаев апелляциялық шағым түсіріп, онда бірінші сатыдағы сот үкімімен келіспейтінін мәлімдеді. Ол "Атамекен" АЭС-тің экс-басшысы Абылай Мырзахметовтен пара алу кінәсін жоққа шығарды. Алтаев іс бойынша басқа айыпталушылар оның ақша алғанын сотта дәлелдей алмағанын алға тартты.
Апелляциялық инстанция Алтаевтың уәжін тексеріп, шағымын қанағаттандырусыз қалдырды.
Нұржан Әлтаевқа үкім 21 қарашада шыққан. Сот бұрынғы вице-министрдің 2018 жылдың ақпанынан 2020 жылдың шілдесіне дейін "Атамекен" Ұлттық кәсіпкерлер палатасының бұрынғы басшысы Абылай Мырзахметовтен ірі көлемде пара алғанын анықтады.