Мәжіліс спикерінің айтуынша, заң жобаларын дайындаудағы кемшіліктер жылдан жылға қайталанып отыр.
"Үкіметпен бірлескен жұмыс барысында кездесетін кейбір мәселелерге тоқталғым келеді. Заң жобаларын дайындаудағы кемшіліктер жылдан жылға қайталанып отыр. Нормалар жеткілікті түрде өңделмеген, сапасы төмен болып қалуда. Бұл мәселе жыл сайын қайталанып келеді. Сондай – ақ, ерекше назар аударуды қажет ететін кезең – заң жобаларын Мәжіліске енгізу мерзімдері", - деп атап өтті Қошанов.
Оның айтуынша, айқын мысал - су кодексінің жобасы. Құрылыс кодексінің жобасына ұқсас жағдай. Ол заң жобасы өте "шикі" түрде түскенін, сондықтан депутаттар оны пысықтап, қайта жазуға мәжбүр болғанын атап өтті.
"Депутаттық сауалдарға берілетін жауаптарға бөлек тоқталғым келеді. Депутаттар әрқашан оларға қанағаттанбайды. Мұнда біз бұрын айтқан нәрселер қайтадан қайталанады. Сауалдарға толық емес, үстірт жауаптар беріледі, нақтылығы жоқ. Мемлекеттік органдар бұл сауалдарға жауап дайындауға жауапкершілікпен қарауы тиіс", - деп толықтырды Ерлан Қошанов.
Бұған дейін Парламент Мәжілісі мен Сенатының депутаттары VIII шақырылымның екінші сессиясының жұмысын аяқтап, демалысқа кеткен болатын.