Бұл туралы АҚШ президенті Truth Social әлеуметтік желісіндегі парақшасында жазды.
"Бүгін таңертең Қазақстан Республикасының президенті Қасым-Жомарт Тоқаевпен және Өзбекстан Республикасының президенті Шавкат Мирзиеевпен телефон арқылы сөйлесіп, екі тамаша әңгіме болды. Біз жалғасып жатқан қақтығыстарды шешудің және елдеріміз арасындағы сауда мен ынтымақтастықты кеңейтудің маңыздылығын айтып, өзара талқы жүргіздік. Екі елмен де қарым-қатынасымыз тамаша. Келесі жылы Америка Құрама Штаттары G20 саммитін өткізеді және біз екі елдің көшбасшыларына да Майамиде өтетін осы өте маңызды іс-шараға қонақ ретінде қатысу үшін шақыртулар жібереміз!", деп жазды Трамп.
Бұған дейін Трамппен телефон арқылы сөйлескен Тоқаев оны Қазақстанға сапармен келуге шақырғаны хабарланған.