Португалдық "Бенфика" командасының қорғаушысы Николас Отаменди өз үйінде қарақшылық шабуылға ұшырады, деп хабарлайды Zakon.kz.
Sicnoticias.pt мәліметінше, матчтан кейін үйіне оралған футболшыны есік алдында төрт қарақшы күтіп алып, есігін ашуды бұйырады. Үйге кірген соң, қылмыскерлер оны белдікпен байлап, ақша мен сағаттарын ұрлап кеткен.
Спортшы мен оның отбасы айтарлықтай зардап шекпеген. Айта кетелік, оқыс оқиға орын алған сәтте оның отбасы үйінде болмаған.
Отаменди полицияға арыз жазды, қазіргі кезде тергеу жүріп жатыр.
