ХПК бұрынғы шешімін қайта қарап, Ресей мен Беларусь спортшыларына 2022 жылы Бейжіңде өтетін Паралимпиада ойындарына бейтарап тумен қатысуға тыйым салды.
ХПК баспасөз қызметінің хабарлауынша, басқа елдердің ұлттық комитеттері, командалары мен спортшылары жарыста Ресей және Беларусь елдерінің саңлақтарымен бәсекелесуден бас тартып, Олимпиада қалашығындағы жағдай одан әрі шиеленісіп кеткен.
Өз кезегінде Ресей Паралимпиада комитеті ХПК-ның бұл шешімі мүлдем негізсіз және ол паралимпиадалық ұжымның негізгі қағидаларының бірі – мүгедектер спортының саясаттан тыс сипатына қайшы келеді деп санайды.