Қазақстандық 6 ауыр атлеттің допинг сынамасы оң нәтиже көрсетті

9 ақпан мен 2 наурыз аралығында Қазақстан Ұлттық допингке қарсы күрес орталығы жарыстан тыс допинг-бақылау аясында ауыр атлетикадан ҚР Ұлттық құрама командасының спортшыларын тестілеуден өткізді, деп хабарлайды Zakon.kz.

Қазақстанның Ауыр атлетика федерациясы хабарлауынша, бақылау қорытындысы бойынша мына спортшыларда оң допинг-сынамалар анықталды:

1. Әуелханов Абылай

2. Сон Игорь

3. Потасова Юлия

4. Чалкарова Руфина

5. Дроздов Алексей

6. Макрушин Матвей.

Аталған барлық спортшы – Алматы облысының өкілдері.

ҚР Ауыр атлетика федерациясы бұл оқиғаға ішкі тергеу жүргізуге ниетті.