Атырауда өткен Mergen Fighting Championship 3 (MFC3) турнирінде қазақстандық файтер Қуат Хамитов ресейлік Василий Бабинцевті (4-7) жеңді, деп хабарлайды prosports.kz.
Ресей файтері осы уақытқа дейінгі бүкіл айқастарын нокаутпен аяқтаған болатын. Аралық салмақтағы кездесу үш раундқа шақталғанымен бірінші раундта-ақ Қуат Хамитовтың тұншықтыру тәсілінің арқасында оның жеңісімен аяқталды. Осылайша Қуат Хамитов кәсіби спорт жолындағы 24-ші жеңісіне қол жеткізді, ал Василий Бабинцев жетінші мәрте ұтылды.
Жекпе-жектен кейін 34 жастағы Хамитов ресейлік Мариф Пираевпен (27-4-1) немесе әзербайжандық Нариман Аббасовпен (27-4) кездескісі келетінін мойындады.