18 қыркүйекте Геннадий Головкин мен Сауль Альварес трилогиясына нүкте қойылды. Мексикалық боксшы төрешілердің бірауыз шешімімен жеңіске жетті.
Жекпе-жектен кейін Головкин спорттық мансабымен қош айтысуға әлі асықпайтынын мәлімдеді.
Алға қойған үлкен жоспарларым бар. Көздеп жүрген көптеген қарсыласым да бар. Әрине, "Канелоны" құттықтаймын, бокстың барлық жанкүйерлерін құттықтаймын. Жігіттер, естеріңізде болар, менде орта салмақтағы үш белбеу бар! Мен рингке қайтып келемін! Жігіттер, мен әлі чемпионмын! Геннадий Головкин
Киім ауыстыратын бөлмеде отырған боксшы қазақстандықтарға үндеу жолдады. Ол өз отандастарына қолдау көрсеткені үшін алғыс айтты.