Азаматтық авиация комитетінің мәліметінше, турнирге 16 мемлекет қатысты. Қазақстан атынан "Қазақстан" және "Астана" аэронавигациялық қызметтері қызметкерлерінен тұратын екі команда қатысты.
Жарыс барысында отандық командалар Мажарстан, Америка Құрама Штаттары, Кипр, Испания, Италия әуе диспетчерлерінің құрама командаларымен кездесіп, айқасты тартыста жеңіске жетіп, финалға шықты.
Нәтижесінде "Қазаэронавигация" РМК "Қазақстан" командасы әлем чемпионы атағын жеңіп алды, ал "Қазаэронавигация" РМК "Астана" командасы екінші орынды иеленді, үшінші орын Испанияның "Интернешнл" құрама командасына бұйырды.
Жарыс 2022 жылдың 7-11 қарашасы аралығында өтті.
