Қазақстан құрамасы Ұлттар лигасындағы соңғы матчта Словакияны жеңе алмады

Қазақстан құрамасы Ұлттар лигасындағы соңғы матчта Словакияны жеңе алмады, сурет - Zakon.kz жаңалық 16.11.2026 22:40 Сурет: kff.kz
Қазақстан құрамасы УЕФА Ұлттар лигасының топтық кезеңіндегі соңғы ойында Словакиямен тең түсті. Астанада өткен кездесу 2:2 есебімен аяқталды. Қонақтар қосымша уақыттың соңғы минуттарында есепті теңестірді, деп хабарлайды Zakon.kz.

Матчтағы алғашқы голды бірінші таймның 29-минутында Ислам Чесноков соқты. Ол Ғалымжан Кенжебектің нәтижелі пасынан кейін Қазақстан құрамасын алға шығарды.

Үзілістен кейін Словакия құрамасы есепті теңестірді. 56-минутта Роберт Боженик мергендік танытты.

65-минутта Ғалымжан Кенжебектің екінші нәтижелі пасынан кейін Ян Вороговский Қазақстанды қайтадан алға шығарды.

Алайда алаң иелері жеңісті есепті сақтап қала алмады. 90+5-минутта алаңға қосалқы құрамнан шыққан Адриан Капралик Стас Покатиловтың қақпасына гол соғып, Словакия құрамасына тең нәтиже сыйлады.

Айта кетейік, Словакия құрамасы бұл кездесуге дейін-ақ 3-топта бірінші орын алып, В дивизионына жолдама алған болатын.

Ал Қазақстан құрамасы алты матчта үш ұпай жинап, бірде-бір жеңіске жете алмады. Осылайша топтық кезеңді соңғы, төртінші орында аяқтады.

Мақаламен бөлісу
Мақаламен бөлісу:
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: