Әлем чемпионатының финалына 30 жұп қатысты. Әр ел осы турнирге қатысу үшін арнайы таңдалған бір ғана үздік жұпты ұсынуға құқылы.
Ал осындай қиын іріктеуде қазақ бишілері бар өнерін көрсетіп, орасан зор серпіліс жасап, туымызды әлемнің үздік дуэттері арасында тұғырдың үшінші сатысына көтерді. Латвия өкілдері чемпион атанды, Румыния бишілері екінші орын алды.
Даниил Кузнецов пен Тамара Беленькая би дуэті бұған дейін Финляндияда өткен Helsinki Grand Prix-2022 халықаралық турнирінде жеңімпаз атанған еді. Онда олар «Junior-2» категориясында еуропалық және латын америкалық бағдарламалардың ашық класы бойынша үздік атанды.