Қазақстан шахмат федерациясының хабарына қарағанда, Магнус соңғы турда ирандық Пархам Магсудулыны жеңді. Магнустың еншісінде 8 жеңіс 4 тең нәтиже және бір ғана жеңіліс бар.
Жылдам шахматтан әлем чемпионатының алтынын кеудесіне таққан Карлсен баспасөз мәслихатында бұл әлем біріншілігіндегі әр партия, кез келген қарсыласпен ойнау қиындық тудырғанын айтқан.
"Бұл әлем чемпионатына таңдаулы гроссмейстерлер қатысқандықтан маған оңай соққан жоқ. Ең бастысы әлем жылдам шахматтан чемпионы атағын алғаныма қуаныштымын", - деді баспасөз мәслихатында Магнус Карлсен.
Рапидтен әлем чемпионатының күміс медалі германиялық Винсент Кеймер алды. Қола медальді америкалық Фабиано Каруан жеңіп алды. Еліміздің атынан қатысқан ерлер арасында Қазыбек Нөгербек 13 ұпайдың 8-ін жинап, әлемдік сайысты 35-орынмен аяқтады.
Еске салайық, бұған дейін қазақстандық Динара Сәдуақасованың жылдам шахматтан әлем чемпионатында күміс жүлде алғанын хабарлаған едік.
