Егер Елена Рыбакина AusOpen-2023 чемпионатының финалына жетсе, бұл жүлде сомасын екі есеге жуық көбейте алады. Оның үстіне қазақстандық спортшы қазір Теннистен әйелдер қауымдастығының Live рейтингінде 12-орында.
Australian Open-2023-ті ол әлемнің 25-ракеткасы ретінде бастаған еді.
Австралиялық турнирдің ресми сайтының жазуынша, Австралияның ашық чемпионатында биылғы маусымдағы жүлде қоры рекордтық көрсеткішке жетіп, 52 миллион доллар болды. Әйелдер мен ерлер арасындағы жеке сында чемпиондар үш миллионға жуық ақша алады.