Жексенбі күнге үш ойын белгіленген. Бірінші болып кортқа Андрей Голубев пен Александр Недовесов, Томас Бариош/Алехандро Табило қарсы ойнайды. Сосын, Александр Бублик Кристиан Гаринмен соңғы ойында Тимофей Скатов Николас Джарримен шайқасады, деп хабарлайды Қазақстан теннис федерациясының баспасөз қызметі.
Николас Харри бірінші партияда бірден брейк жасап, алға шықты. Тағы бір брейк – 5:2, содан кейін сетті сәтті бітірді – 6:2.
Екінші сетте чилилік теннисші брейкпен бастағанымен, қазақстандық спортшы сол бойда таразы басын теңестірді – 2:2. Алайда қайтадан өз геймдерін беріп қойды – 2:5. Харри матчқа доп бергенде, қателескен жоқ – 6:2.
Кездесу бір сағаттан сәл астам уақытқа созылды. Осылайша, Қазақстан – Чили матчында таразы басы теңесті. Есеп – 1:1.