Милана Парфилова шығыршықпен және доппен өнер көрсетуде финалға жетіп, қос бағдарламада да күміс жүлде жеңіп алды. Эрика Жайлауова ұршықпен өнер көрсетуде қола жүлдегер атанса, шығыршықпен көрсеткен жаттығуда 7-ші, лентамен өнер көрсетуде 8-орыннан көрінді.Жастар арасында Айым Мейіржанова лентамен жаттығу көрсетіп, қола жүлдеге қол созды. Оның еншісінде 25.850 балл бар.
Сурет: Instagram/akimat__astana
Командалық сайыста Айдана Шаяхметова, Аяулым Қадыр, Аружан Қасенова, Аружан Қалсаева, Ақсұңқар Әбдірахман, Әсел Шүкірбай 3+2 бағдарламада (3 гимнаст лентамен, екеуі доппен) 25.800 ұпай жинап, 2-орын алды. Бұл сында жарыс қожайыны Грекия топ жарса, үздік үштікті АҚШ құрамасы түйіндеді.
Қазақстан қоржынына соңғы медальді топтық сайыста жастар салды. Олардың финалдағы лентамен көрсеткен бағдарламасына төрешілер 28.050 балл берді. Қазақстан құрамасы Италия мен Болгариядан кейінгі үшінші орынға табан тіреді.