Kazakhstan Boxing Federation ақпараты бойынша, финалдың бірінші күні, 13 мамырда Санжар Ташкенбай (48 кг) грузин боксшысы Сахил Алахвердовимен жұдырық түйістіреді. Олар рингке финалда кездесетін алғашқы жұппен болып саналады (кездесу Астана уақыты бойынша сағат 18:00-де басталады), ал Дулат Бекбауов (67 кг) өзбекстандық Асадхуджа Муйдинхуджиев екінші болып рингке шығады.
Финалдың екінші күні, 14 мамырда Махмұд Сабырхан (54 кг) өзбек боксшысы Ойбек Джураевпен жекпе-жек өткізеді. Олар рингке бірінші болып шығады (кездесу сағат 18:00-де басталады), Асланбек Шымбергенов (71 кг) тағы бір Өзбекстан боксшысы Саиджамшид Джафаровпен "алтынды" сарапқа салады, ал Нұрбек Оралбай ( 80 кг) Қытайдың этникалық қазағы Тоқтарбек Таңатханмен бақ сынайды.
Федерация Қазақстан құрамасы осы жарыстарда финалға шыққан боксшылар рекордтық көлемді игергенін баса атап өтті. Сонымен 5 боксшымыз финалда.
