Қазақстандық Бейбіт Жұқаев (әлемнің 325-ракеткасы) Литтл-Роктағы (АҚШ) "Челленджердің" жартылай финалында аустралиялық Адам Уолтонды (әлемнің 288-ракеткасы) үш сетте 6:7 (6:8), 6:4, 7:6 (7:4) есебімен ұтты. Ойын 2 сағат 50 минутқа созылды.
Жұқаев 18 эйс орындап, төрт брейк-пойнттың біреуін пайдаланды.
Бұл - Бейбіт Жұқаевтың ATP Challenger сериясы турнирінің жекелей сындағы алғашқы финалы. Оның финалдағы қарсыласы эстониялық Марк Лаял (әлемнің 311-ракеткасы) болады. Шешуші матч бүгін, 4 маусымда өтеді.