Ойын 2 сағат 23 минутқа созылып, 7:6 (7:3), 6:4, 6:4 есебімен аяқталды.
Алькарас 4 рет эйс жасап, екі қос қателік жасады және үш брейк-пойнттың екеуін сәтті пайдаланды. Ал Руне екі эйс пен төрт қос қателік жасады және ешбір брейк-пойнтты өз есебіне жаза алмады.
Карлос Алькарас енді жартылай финалда ресейлік теннисші Даниил Медведевпен ойнайды.
Еске салайық, бұған дейін қазақстандық теннисші Елена Рыбакинаның Уимблдонның жартылай финалына шыға алмағанын хабарлаған едік.