12 жасқа дейінгі қазақстандық шахматшылар жанкүйерлерін тағы қуантты

Мысырдың Шарм-эль-Шейх қаласында классикалық шахматтан кадеттер арасында (8 бен 12 жас аралығы) әлем чемпионаты өтті, деп хабарлайды Zakon.kz Спортты дамыту дирекциясының баспасөз қызметіне сілтеме жасап.

Барлығы 66 мемлекеттен 502 ойыншы шеберлік байқасты. Бұл қатарда қазақ шахматшылары да бар.

Данис Қуандықұлы 10 жасқа дейінгі балалар арасында чемпион атанса, Айару Алтынбек 12 жасқа дейінгі қыздар арасында үздік үштікті түйіндеді.

Сурет: Спортты дамыту дирекциясы