Қазақстан құрамасы 2023 жылғы әлем чемпионатының жартылай финалдық белдесуінде ойын барысында 0:1 есебімен жеңіліп, матчтың бағытын өзгерте алды. Әлемдік рейтингте 6-орында тұрған әзірбайжандықтар матчтың 19-минутында көшбасшы Ешгин Тагиевтің күшімен алға шықты. 1:0 нәтижесімен командалар үзіліске шықты.
Бірінші таймнан кейін ойыншыларымыз тактикасын өзгертті, бұл өз жемісін берді. Қарсыластар қақпасына бірден үш гол соғылды. Әдемі голдардың авторлары – Нұрсұлтан Жүсіпов, Жәнібек Сейітжан және Оралбек Егізбаев.
Кездесу соңында Әзірбайжан тағы бір гол айырмасымен есепті қысқарта алды, бірақ уақыт аз болды. Ал Қазақстан алтын медаль үшін кездесуге жолдама алды. Енді олар Әлем чемпионатының финалында осы турнирде екінші орын алған Румыния өкілдерімен кездеседі. Шешуші тартыс 4 қарашада өтеді, бірақ 3-орын үшін кездесуде әуелі Әзірбайжан мен Венгрия күш сынасады.
Айта кетері, 2023 жылғы әлем чемпионаты басталар алдында Қазақстан құрамасы өзге 4 команда сияқты ұйымдастырушылардан "қара тұлпар" мәртебесін алған еді. Қазір әлемдік рейтингте 11-орында тұрған футболшыларымыз бұл атағын толық ақтады. Әуелі кіші топтағы барлық ойында жеңіске жетті, кейін 1/8 финалда қазіргі әлем чемпиондары мексикалықтардан мықты болды. Ал ширек финалда әлемнің үшінші құрамасы Чехияны, Әзірбайжанды ұтып, финалға шықты.
