Қазақстан-Сан-Марино матчында есеп 3:1.
Айта кетейік, бірінші таймның 19-минутында қарсыластар қақпасына алғашқы голды Ислам Чесноков соқты.
51-минут Ислам Чесноков екінші голды соғып, дубль жасады.
60-минутта Сан-Марино құрамасы Қазақстан құрамасына гол салды. Гол авторы - Франкиоси.
Бүгінгі ойынды тамашалау үшін стадионға 30 100 жанкүйер жиналған.
Мемлекет басшысы Қасым-Жомарт Тоқаев Қазақстан ұлттық құрамасының Сан-Марино командасына қарсы ойынына қолдау көрсету үшін "Астана Арена" стадионына барды.
Президентпен бірге ұлттық құрамаға қолдау білдіру үшін даңқты спортшылар, спорт ардагерлері мен мәдениет қайраткерлері де барды.
Олардың арасында Қазақстанның халық әртісі Димаш Құдайберген, мини-футболдан Қазақстан ұлттық құрамасының бас бапкері Паулу Рикарду Фигейра Силва (Кака), футбол ардагерлері Михаил Гурман мен Вахид Масудов, бапкер Дмитрий Огай, олимпиада чемпиондары Ольга Рыпакова, Дмитрий Баландин және тағы басқалары бар.
