Елена Рыбакина екінші айналымда ресейлік теннисші, әлемнің 57-ракеткасы Анна Блинковамен кездесті.
Алғашқы сетте ресейлік теннисші 6:4 есебімен жеңіске жетті. Ал екінші сетте Рыбакина 6:4 есебімен есе қайтарды.
Үшінші, шешуші партия тай-брейкке дейін ұласып, онда ресейлік теннисші жеңіске жетті - 7:6(22:20).
Елена Рыбакина 2 сағат 46 минутқа созылған матч кезінде тоғыз эйс пен екі қос қате жасап, жеті брейк-пойнттың бесеуін сәтті пайдаланды.
Осылайша, былтыр Australian Open турнирінің финалында ойнаған Елена Рыбакина биыл екінші айналымнан аса алмады.
