Бұл туралы ақпарат kazakhstan_wrestling қоғамдық парақшасында пайда болды.
"Еркін күрестен 2014 жылғы Жасөспірімдер Олимпиадасының чемпионы Мұхамбет Қуатбек 27 жасында дүниеден озды. Біз отбасымызбен және достарымызбен қайғырып көңіл айтамыз", - делінген хабарламада.
Жас спортшының АҚШ-та қайтыс болғаны белгілі болды. Оны отанына жеткізу керек.
Мұхамбет Қуатбек 27 жаста еді. Ол – қазақ еркін күресшісі, 2014 жылғы жасөспірімдер арасындағы Олимпиада ойындарының 54 келіге дейінгі салмақ дәрежесі бойынша жеңімпазы. Сол жылы Мұхамбет 58 келіге дейінгі жасөспірімдер арасындағы әлем чемпионатының қола жүлдегері атанды.
2016 жылы 55 келі салмақта жасөспірімдер арасындағы Азия чемпионатының қола жүлдегері атанды.
2017 жылы 55 келі салмақта финалда өзбекстандық Жахонгирмирза Туробовтан ұтылып, жасөспірімдер арасындағы Азия чемпионатының күміс жүлдегері атанды.