Рыбакина бұл турнирді екінші айналымнан бастады.
2 сағат 26 минутқа созылған кездесу 3:6, 7:5, 6:4 есебімен аяқталып, қазақстандық теннисші жарыстың үшінші кезеңіне өтті.
Рыбакинаның келесі қарсыласы америкалық Тейлор Таунсенд болады (№72). Былтыр Майамиде қазақстандық теннисші финалға дейін жетіп, чехиялық Петра Квитоваға есе жіберген (6:7, 2:6) еді.
Рыбакина наурыздың басында денсаулығына байланысты Индиан-Уэллстегі "Мастерс" санатындағы турнирге қатысудан бас тартқан еді.
Айта кетейік, тағы бір қазақстандық теннисші Юлия Путинцева ресейлік Людмила Самсонованы 6:1, 4:6, 6:3 есебімен ұтып, Майамиде (АҚШ) өтіп жатқан WTA 1000 турнирінің үшінші кезеңіне өтті.
