Команда аталмыш ақпаратты ресми Instagram парақшаларында жариялады.
"44 жастағы маман өз бетімен жұмыстан кетемін деген шешім қабылдады. Кирилл Сергеевич "Қайрат" ФК жүйесінде жұмысын жалғастыра беретінін айта кетейік.",- делінген ақпаратта.
Кирилл Кекер негізгі команданы 2022 жылғы маусымнан бастап басқарған. Оның жетекшілігімен "сары-қаралар" 60 матч өткізіп, оның 29-ында жеңіске жетіп, 15 кездесуде тең түсіп, 16 рет қарсыластарына есе жіберген. Осы кезеңде "Қайрат" ФК Академиясының 13 түлегі негізгі команда сапында дебют жасады.
"Өзіміздің "Сары-қаралардың" үлкен ұжымы Кирилл Сергеевичке атқарған жұмысы үшін шын жүректен алғыс айтып, кәсіби қызметінде одан әрі табысқа жете беруін тілейді!""Қайрат" футбол клубы
Алдағы 4 мамырда өтетін "Атыраумен" болатын матчқа команданы бұған дейін "Қайрат-Жастарды" басқарған Рафаэль Уразбахтин дайындайды.
2024 жылдың 20 сәуірінде Алматы орталық стадионында QFL-2024 чемпионатының бесінші турының орталық матчы өтті. Онда "Қайрат" ФК турнир кестесінің көшбасшысы "Ақтөбе" маусымының басты фавориттерінің біріне 1:3 есебімен ұтылды.