Қарағанды облысының дене шынықтыру және спорт басқармасының мәліметінше, жарысқа 46 елден түрлі жастағы 960 спортшы қатысты.
Қазақстаннан сайысқа барған ардагерлердің жалғыз өкілі Дәрібай Оспанов. 75 жастағы спортшы классикада күміс, ал экипировкада алтын алды.
"Мен халықаралық дәрежедегі спорт шеберімін, ҚР еңбек сіңірген жаттықтырушысымын, төрт дүркін әлем чемпионымын, он дүркін Азия чемпионымын",- деді ақсақал.
Ол Әлем чемпионатында 70 жастан асқан спортшылар санатында өнер көрсеткенін нақтылады.
"Біз 5 адам болдық – жапон, неміс, канадалық және үндіс. Нәтижеге ризамын. Мақсатым – Дания спортшысын жеңу. Ол 94 жасында өнер көрсетті, ал мен 95 жасымда да жарысқа қатысамын".Дәрібай Оспанов
Дәрібай Оспановтың ұлы Қараман Абдулкәрім де лайықты өнер көрсетті. Ол классикада жеңімпаз атанды және экипировкада екінші орынға ие болды.
Сурет: Қарағанды облысы дене шынықтыру және спорт басқармасының баспасөз қызметі