Marca мәліметтері бойынша, 11 шілдеде ресми түрде Француз жұлдызының аты жазылған футболкалар сатылымға шықты.
Бірнеше сағаттық сауда-саттықтан кейін клуб дүкені жанкүйерлерге осы коллекцияға сұраныстың жоғары болуына байланысты төрт-алты апталық жеткізілім кешігуі туралы ескертті.
Сурет: Instagram/realmadrid
Сондай-ақ, Мбаппе презентациясына таратылған тегін билеттер бойынша да ажиотаж бар. Себебі 80 000 орындыққа дайындалған кешке келуге ниет білдірушілердің саны тым көп.
Осы кезде Килианның тұсаукесеріне кезекте 100 000-нан астам адам тұр. Айта кетейік, ресми іс-шараның өзі өтетін "Сантьяго Бернабеу" аренасы 85 000 орынға шақталған.
Француз шабуылшысының тұсаукесері 16 шілдеде өтеді, ол Реал Мадридте "9" нөмірімен ойнайды.