Серіктестік аясында әйгілі қазақстандық шоколадтың шектеулі тиражы шығарылды. Кондитерлік өнімнің қаптамасы Париждегі Олимпиада ойындары үшін арнайы жасалған спорт тақырыбымен ерекше дизайнға ие. "Олимпийский" шоколадын елдегі дүкендерден сатып алуға болады.
Париждегі Олимпиада ойындарында Қазақстан теннис турнирінде өнер көрсетеді: жекелей сында – Елена Рыбакина (No4), Юлия Путинцева (No29), Александр Бублик (No24) және Александр Шевченко (No56) , жұпта - Александр Бублик / Александр Недовесов.
Тізімді қалыптастыру Олимпиадалық регламент негізінде жүзеге асырылды, оған сәйкес Ойындарға қатысуға рұқсат берудің негізгі біліктілік критерийі ойыншылардың ATP және WTA әлемдік рейтингтеріндегі жеке ұстанымдары болып табылады.
Александр Шевченко теннистен Қазақстан құрамасы үшін алғаш рет алдағы Олимпиадада бақ сынамақ. Халықаралық теннис федерациясы (ITF) Шевченконың Қазақстанмен бұрыннан келе жатқан мәдени және отбасылық байланысын, сондай-ақ анасының Жезқазған қаласының тумасы екенін ескеріп, оған еліміздің туы астында жарысқа қатысуға рұқсат берді. Екі жылдық карантинсыз.
Бұған дейін Британ ашық біріншілігінің соңғы күнінде Чемпиондар балы өтіп, онда әйелдер мен ерлер арасындағы жекелей сында жеңімпаздар Барбора Крейчикова мен Карлос Алькарас билеген болатын.
