Журналистер Премьер-Министрдің орынбасарынан олимпиадаға арналған қазақстандық спортшылардың киім үлгісі ұнап-ұнамағанын сұрады. Дүйсенова форманың қалыпты екендігін айтты. Оған жауап ретінде, журналистер көпшіліктің көңілінен шыққан Моңғолия спортшыларының формасын мысалға келтірді.
"Әркімге өз киім үлгісі ұнайды. Бізге өзіміздікі ұнайды", - деп толықтырды Тамара Дүйсенова.
Журналистер қазақстандық форма жиынтығында "қысқы қалпақ" бар екенін, енді аптап ыстықта спортшылар сонымен баратынын еске салды.
"Әріптестер, киім үлгіміз қалыпты, бастысы жақсы нәтиже күтейік", – деді Дүйсенова.
9 шілдеде Президент ХХХІІІ жазғы Олимпиада ойындарына қатысатын Қазақстан құрама командасының мүшелеріне Мемлекеттік туды тапсырды.
