Айта кетейік, Әлішер Ерғали кешегі жарыс күнінде Олимпиаданың финалисі Ахмед Тажудиновке, бүгін ирандық Азарпира Амиралиден жеңілді.
"Өмірімдегі екінші Олимпиада болған соң, қатты медаль алғым келді. Білмеймін, дайындығым жетпей қалған сияқты.
Кеше Тажудиновпен белдесу жақсы басталған. Ағайларымның тактикасымен оны кілемнен шығарып, шаршатуым керек еді. Бірақ асығып кеттім. Өкінішті.
Ал бүгінгі белдесудегі қарсыласым да өте мықты. Лос-Анджелес Олимпиадасына да барамын деп нақты айта алмаймын.
Ел үмітін ақтай алмадым. Кешірім сұраймын", - деді Ерғали.
Әлішер Ерғали Париж Олимпиадасында 97 келі салмақта белдесті.
