29 сәуірде U15 жас санатындағы боксшылар алтын медаль үшін күресті бастады. Онда 64 келіге дейінгі салмақта Ақерке Далабай (Қазақстан) мен Жуде Хаби (Иордания) бақ сынасты.
Жекпе-жек 5:0 есебімен Қазақстанның пайдасына аяқталды.
Бұл ретте, World Boxing ұйымының алғашқы Азия чемпионатында 15 жасқа дейінгі (U15) жасөспірімдер арасында жарыс аяқталды.
"Бұл жас санатында ұлдар және қыздар арасында барлығы 30 медаль жиынтығы ойнатылды. Соның ішінде Қазақстан командасының еншісінде 6 алтын, 13 күміс, 4 қола жүлде бар". Қазақстан бокс федерациясы
Бұған дейін Мария Севостьянова таеквондодан клубтық Азия чемпионатында алтын медаль жеңіп алғандығы хабарланған болатын.