Спортшы 73 келіге дейінгі салмақ дәрежесінде екінші айналымнан бастап белдесті.
Оның алғашқы қарсыласы – 2024 жылғы Олимпиада ойындарында аралас командалар жарысында алтын, жекелей сайыста күміс жүлде алған француз Жоан-Бенжамен Габа болды.
Бұл кездесуде Габа Есетті мерзімінен бұрын жеңіп, 1/8 финалға жолдама алды.
Айта кетейік, Қазақстан құрамасының еншісінде әзірге бір медаль бар. Оны 48 келіге дейінгі салмақта Әбиба Әбужақынова жеңіп алған болатын. Ол әлем чемпионатында екінші орын иеленді.
16 маусымда татамиге Абылайхан Жұбаназар (81 келіге дейін) мен Эсмигүл Куюлова (63 келіге дейін) шығады.