Ерлер және әйелдер командасы бір ғана жолдаманы сарапқа салды. Бұл жолдаманы Қырғызстан, Өзбекстан және Қазақстан құрамалары өзара бөлісті.
Кирилл Герасименко, Алан Құрманғалиев және Айдос Кенжіғұлов қарсыластарын 3:0 есебімен сенімді түрде ұтып, бірінші орынды иеленіп, әлем чемпионатына жолдама алды.
Ал әйелдер арасындағы сайыста Зәуреш Ақашева, Сарвиноз Миркадирова және Әнел Бақыт алдымен Қырғызстанның теннисшілерінен басым түсіп, кейін Өзбекстан құрамасымен кездесті. Отандастарымыз тартысқа толы кездесуде 3:2 есебімен басым түсті.
Айта кетейік, командалық әлем чемпионаты 2026 жылғы мамырда Лондонда өтеді.